ഫ്രാൻസിലെ അഭിപ്രായ സ്വാതന്ത്ര്യമെന്ന ഉമ്മാക്കി !!
ഏകദേശം അഞ്ച് കൊല്ലം മുൻപ് എന്റെ യൂറ്റൂബ് ചാനലിൽ അപ്‌ലോഡ് ചെയ്ത ഒരു വീഡിയോ ആണിത് (http://goo.gl/8ouI5T) .. ഇന്നും തികച്ചും പ്രസക്തം!
ഫ്രാൻസിലെ 'France 2' ചാനലിൽ നടന്ന രണ്ട് വ്യത്യസ്ഥ ഇന്റർവ്യൂകൾ ആണ് ഇതിലുള്ളത്.. ഒന്ന് ഇസ്‌ലാമിനേയും പ്രവാചകനേയും ഒക്കെ അവഹേളിക്കുന്നതിന്റെ പശ്ചാത്തലത്തിലും, മറ്റേത് ജൂതന്മാരേയും ഇസ്രായേലിനേയും അവഹേളിക്കുന്ന പശ്ചാത്തലത്തിലും ചെയ്തത്..
ആദ്യത്തേതിൽ എന്തിനേയും ഏതിനേയും വിമർശിക്കാനും അവഹേളിക്കാനുമുള്ള സ്വാതന്ത്ര്യത്തെ പറ്റി ഒരാൾ വാചാലനാകുന്നുണ്ട്, അതാണ് അഭിപ്രായ സ്വാതന്ത്ര്യമെന്ന് അവതാരകനും സമ്മതിക്കുന്നു.. മുസ്ലീങ്ങളെ വേദനിപ്പിക്കും എന്നത് കൊണ്ട് പ്രവാചകന്റെ കാർട്ടൂൺ വരക്കാതിരിക്കുകയാണെങ്കിൽ അത് സെൽഫ് സെൻസറിങ്ങ് ആണ്, മുഹമ്മദിന്റെയോ, യേശുവിന്റേയോ, ഒരു റബ്ബൈയുടേയോ കാർട്ടൂൺ വരക്കണെമെന്ന് എനിക്ക് തോന്നിയാൽ അത് ചെയ്യാൻ പറ്റണം.. ഇത് ഫ്രാൻസ് ആണ് ! എന്നുമൊക്കെ അവതാരകൻ കത്തിക്കയറുന്നുണ്ട്.
മില്ല്യൺ കണക്കിന് ആളുകളെ നോവിക്കുന്നെങ്കിൽ എന്തിനാണ് ഇതുപോലുള്ള സ്വാതന്ത്ര്യങ്ങൾ ദുരുപയോഗം ചെയ്യുന്നത് എന്നൊക്കെ മറ്റൊരാൾ ചോദിക്കുന്നുണ്ടെങ്കിലും, അവതാരകൻ അതാണ് അഭിപ്രായ സ്വാതന്ത്ര്യം എന്ന് പറഞ്ഞാൽ, എന്നൊക്കെ പറഞ്ഞ് പൊതു ബോധത്തെ തൃപ്തിപ്പെടുത്തുന്നു.
ഇനി ഇതേ ചാനലിലെ മറ്റൊരു ഇന്റെർവ്യൂവിൽ ഇതേ അവതാരകൻ തന്നെ ഡ്യുഡോണേ എന്ന കൊമേഡിയൻ ഒരു യാധാസ്ഥിതിക ജൂതന്റെ വേഷം അഭിനയിച്ചതിനെതിരെ രൂക്ഷമായി കത്തിക്കയറുന്ന രംഗമാണ് കാണുന്നത്.. തുടക്കം മുതൽ തന്നെ അയാളെ കൊണ്ട് മാപ്പ് പറയിക്കാൻ അവതാരകൻ കിണഞ്ഞ് പരിശ്രമിക്കുന്നുണ്ട്.. ഇത് തന്റെ ജോലിയാണ്, കഥാപാത്രം ആവശ്യപ്പെടുന്നു എന്നൊക്കെ ഡ്യുഡോണേ പറഞ്ഞു നോക്കിയെങ്കിലും, ഞെട്ടിപ്പിക്കുന്നതും ഒരിക്കലും മാപ്പർഹിക്കാത്തതുമായ കാര്യമാണ് താൻ ചെയ്തത് എന്നാണ് അവതാരകൻ പറഞ്ഞത്.
അഭിപ്രായ സ്വാതന്ത്ര്യമുള്ള ഒരു രാജ്യത്താണ് നാം ജീവിക്കുന്നത് എന്ന് അദ്ദേഹം പറഞ്ഞപ്പോൾ... ഹോളോകോസ്റ്റ് ഒക്കെ ഉണ്ടായത് കൊണ്ട് ഇതുപോലെയൊക്കെ ചെയ്യുന്നത് പ്രശ്നമാണ് അതു കൊണ്ട് തനിക്ക് അഭിപ്രായ സ്വാന്ത്ര്യമില്ല, എന്ന് നേരത്തെ അഭിപ്രായ സ്വാതന്ത്ര്യത്തിന് വേണ്ടി തേരോട്ടം നടത്തിയ അതേ അവതാരകൻ തന്നെ വിശദീകരിച്ച് നൽകുന്നു..
400 കൊല്ലം കറുത്ത വർഗ്ഗക്കാരെ അടിമകളായി നാം കയറ്റി അയച്ചിട്ടും അവരെ പറ്റി കോമഡി ചെയ്താൽ ആരും തടയുന്നില്ല, കുരങ്ങന്റെ വേഷം ധരിച്ച് കണ്ണടയും വച്ച് കറുത്ത വർഗ്ഗക്കാരനായി കോമഡി അഭിനയച്ച ആളെ പോലും ആരും തടയുകയോ വിമർശിക്കുകയോ ചെയ്തില്ല.. എല്ലാവരും അയാളെ ഹീറോ ആക്കി കൊണ്ട് നടക്കുകയും ചെയ്തു.. എന്നൊക്കെ വിശദമായി തന്നെ ഡ്യുഡോണേ അവതാരകന് മറുപടിയും കൊടുത്തു..
ഹോളോ കോസ്റ്റിൽ ഉറ്റവരെ നഷ്ടപ്പെട്ടവർക്ക് "ഇസ്ര ഹൈൽ" എന്നൊക്കെ പറയുമ്പോൾ വേദനിക്കും, പ്രശ്നത്തിന്റെ ഗുരുതരാവസ്ഥ തിരിച്ചറിയുന്നില്ലേ എന്ന മുട്ടൻ ന്യായമാണ് അവതാരകൻ ആവർത്തിച്ച് ഇറക്കിയത്..
എല്ലാവരെ പറ്റിയും എനിക്ക് കോമഡി ചെയ്യാം, പക്ഷെ ഇസ്രയേലിനെ പറ്റി പറഞ്ഞാൽ മാത്രം ഭൂലോക പ്രശ്നമാകുന്നത് എനിക്ക് വിശ്വസിക്കാൻ കഴിയുന്നില്ല എന്ന് ഡ്യുഡോണേ പറഞ്ഞപ്പോൾ, സത്യം പറഞ്ഞാൽ നിങ്ങൾ നല്ല കൊമേഡിയൻ ഒക്കെ ആണ്, പക്ഷെ ഇനി മേലാൽ നിങ്ങൾ ഈ പരിപാടിയിലേക്ക് ക്ഷണിക്കപ്പെടില്ല എന്നാണ് അവതാരകൻ പറഞ്ഞ് നിർത്തിയത്..
എന്നെ വിളിച്ചിങ്കിലും പ്രശ്നമില്ല, എനിക്ക് എന്റെതായ അഭിമാനവും മനസ്സാക്ഷിയുമൊക്കെ ഉണ്ട്, അതെനിക്ക് തെറ്റിക്കാൻ പറ്റില്ല എന്ന് ഡ്യുഡോണേ പറഞ്ഞു നിർത്തി, ആ കരഘോഷത്തിന്റെ ഇടയിലും മാപ്പ് പറയിച്ച് വിടാൻ അവതാരകൻ അപ്പോഴും കിണഞ്ഞ് പരിശ്രമിക്കുന്നുമുണ്ട്..
അഭിപ്രായ സ്വാതന്ത്ര്യം എന്ന ഉമ്മാക്കി ആകെ ബാധകമാകുന്നത് മിക്കപ്പോഴും ഒരു വശത്ത് ചില വിഭാഗങ്ങളിൽ പെട്ടവർ മാത്രം ആകുമ്പോൾ മാത്രമാണ് എന്നാണ് ഇതുപോലുള്ള പല അനുഭവങ്ങളും പഠിപ്പിക്കുന്നത്.. ഇപ്പോൾ ഇതിന്റെ വക്താക്കളായി എല്ലാവരും കോണ്ട് നടക്കുന്ന ഷാര്‍ലി എബ്ദോ ആവിഷ്‌കാര സ്വാതന്ത്ര്യത്തിനുവേണ്ടി നിലകൊള്ളുന്നവരാണെന്നു തെറ്റിധരിക്കരുത്. ജൂതവിരുദ്ധ കാർട്ടൂൺ വരച്ചു എന്നും പറഞ്ഞ് വിഖ്യാത ഫ്രഞ്ച് കാര്‍ട്ടൂണിസ്റ്റ് മോറിസ് സിനറ്റിനെ പിരിച്ചുവിട്ടവരാണ് ഈ ഷാര്‍ലി എബ്ദോ! അതിന്റെ പേരില്‍ മാപ്പു പറയാനും സിനെറ്റിനോട് പത്രാധിപര്‍ ഫിലിപ് വാള്‍ ആവശ്യപ്പെട്ടെങ്കിലും അദ്ദേഹം വഴങ്ങിയില്ല.
എന്തായിരുന്നു അത്രയും ക്രൂരമായ ജൂതവിരുദ്ധത എന്നോ ? സർക്കോസിയുടെ മകൻ സാമ്പത്തിക കാരണം കൊണ്ട് ജൂത മതം സ്വീകരിക്കുന്ന ഒരു കാർട്ടൂൺ.. ലോകം കീഴ്മേൽ മറിയാൻ വേറെ എന്തെങ്കിലും വേണോ !!
ഷാർളി എബ്ദോ സംഭവത്തിന് ശേഷം ഈ വീഡിയോയിൽ ഉള്ള അതേ ഡ്യുഡോണിനെ തന്നെ, ഞാൻ ഇത് എഴുതിക്കൊണ്ടിരിക്കുമ്പോൾ ഒരു ഫേസ്ബുക്ക് കമന്റിന്റെ പേരിൽ അറസ്റ്റ് ചെയ്തിരിക്കുകയാണ്. “"Tonight, as far as I'm concerned, I feel like Charlie Coulibaly."” എന്നായിരുന്നു ആ കമന്റ്, ഷാർളി എബ്ദോയുടേയും അവിടെ അക്രമിച്ച ഒരാളുടേയും പേരുകൾ കൂട്ടി Charlie Coulibaly യെ പോലെയാണ് എനിക്ക് ഇപ്പോൾ തോന്നുന്നത് എന്ന് പറഞ്ഞതാണ് കുറ്റം. ! സ്വന്തം രാജ്യത്ത് ഒരു തീവ്രവാദിയെ പോലെ തന്നെ അക്രമിക്കുന്നതിനെയാണ് അതിൽ പരാമർശിച്ചത്, എനിക്കും ഷാർളിയുടെ അതേ അവസ്ഥയാണ് എന്ന് ഡ്യുഡോൺ വിശദീകരിച്ചു. ഇത്രയൊക്കെയേ ഉള്ളൂ ലോകത്ത് അഭിപ്രായ സ്വാതന്ത്ര്യം.. അതും അഭിപ്രായ സ്വാതന്ത്ര്യത്തിന്റെ കാവൽ ഭടന്മാരുടെ സ്വന്തം നാട്ടിൽ !
16 യൂറോപ്യൻ രാജ്യങ്ങളിൽ ഹോളോക്കോസ്റ്റ് വിമർശനത്തിനെതിരെ നിയമങ്ങളുണ്ട് (http://goo.gl/2BKbqN), ഹോളോകോസ്റ്റിന്റെ ഔദ്യോഗിക കഥകളുടെ കൃത്യത ചോദ്യം ചെയ്താൽ പോലും കനത്ത പിഴയും, ജയിൽ ശിക്ഷയുമടക്കം ലഭിക്കാവുന്ന വളരെ ശക്തമായ നിയമങ്ങളാണ് പലയിടത്തുമുള്ളത്.. ജൂതന്മാരെ അവഹേളിക്കുന്നതോ നാസികളെ അനുകരികുന്നതോ ആയ ആംഗ്യം കാണിച്ചാൽ പോലും പലയിടത്തും വലിയ പ്രശ്നമാകും, മാധ്യമങ്ങൾ കൊടും കുറ്റമായി വിഷയമായി ഏറ്റേടുക്കുകയും ചെയ്യും. അമേരിക്കയിൽ ADL (Anti Defamation League) എന്ന സംഘടന മാധ്യമങ്ങളൂടേയും നിയമത്തിന്റെയും സഹായത്താൽ എല്ലാ തരത്തിലുള്ള നിസാര സംഭവങ്ങൾക്കെതിരെ പോലും ജൂതവിരുദ്ധത ആരോപിച്ച് ശക്തമായ പോരാട്ടം നടത്തുന്നവരാണ്.
1
യൂറോപ്യൻ യൂണിയൻ നിറം, ജാതി, മത, രാഷ്ട്ര, വംശീയ തലത്തിലുള്ള എല്ലാ അധിക്ഷേപങ്ങൾക്കുമെതിരെയുള്ള നിയമനിർമ്മാണം വരെ നടത്തിയിട്ടുണ്ട്.
“The legislation calls for jail terms of as much as three years for "intentional conduct" that incites violence or hatred against a person's "race, color, religion, descent or national or ethnic origin." ”
———
പക്ഷെ ഈ ജാതിയും മതവും നിറവുമെല്ലാം അധിക്ഷേപിക്കുന്നതിനെതിരെയുള്ള നിയമം വരെ ഉണ്ടാക്കിയത് വെറും ജൂതവിരുദ്ധത തടയാൻ വേണ്ടി മാത്രമാണ് എന്നതാണ് വിരോധാഭാസം! ഈ വാർത്തയുടെ തലക്കെട്ട് തന്നെ “EU adopts measure outlawing Holocaust denial” എന്നാണ് (http://goo.gl/3DPkmG)..
എന്തായാലും അവസാനം ഫ്രാൻസിൽ ലോക നേതാക്കൾ പങ്കെടുത്ത അഭിപ്രായ സ്വാതന്ത്ര്യത്തിനു വേണ്ടിയുള്ള റാലിയാണ് ഏറ്റവും വലിയ കൊമഡി, സ്വന്തം രാജ്യത്ത് മാധ്യമങ്ങൾക്ക് വരെ വിലക്കിടുന്ന നേതാക്കന്മാരുടെ സമ്മേളനമായിരുന്നു അവിടെ കഴിഞ്ഞ ഫലസ്തീൻ അക്രമണത്തിൽ 17 പത്രപ്രവർത്തകരെ കൊന്ന നേതന്യാഹു വരെ അഭിപ്രായ സ്വാതന്ത്ര്യത്തിനു വേണ്ടിയുള്ള സമാധാന റാലിയിൽ മുൻ നിരയിൽ തന്നെ അണിനിരന്ന് പങ്കെടുത്തു എന്നതാണ് ഏറ്റവും വലിയ തമാശ !
Posted By:
